Duterte bibisita sa Rusya

Nakatakdang bumisita si Pangulong Rodrigo Duterte sa Rusya sa susunod na linggo kung saan ay makakapulong niya sina Rusyang Presidente Vladimir Putin at Punong Ministro Dmitry Medveded.
Ayon sa Balitang Ahensya ng Ahlul-Bayt (ABNA24) - Nakatakdang bumisita si Pangulong Duterte sa Rusya sa susunod na linggo kung saan ay makakapulong niya sina Rusyang Presidente Vladimir Putin at Punong Ministro Dmitry Medveded.
Pakay ng pagbisitang opisyal ng Pangulo na lalo pang palakasin ang ugnayan ng dalawang bansa. Inimbitahan si Duterte ni Putin na bumisita sa Rusya ng magkita sila sa APEC 2016 sa Lima, Peru.
Sinabi ni Foreign Affairs Asec. Cleofe Natividad, na ang pagbisist nng opisyal ni Duterte at kanyang delegasyon sa Rusya ay mula Mayo 23-26.
Aniya, ang tema ng pagbisita ay “Building a stronger partnership: A new chapter in Phl-Russia relations”.
Nakatakdang saksihan din nina Duterte at Putin ang mga lalagdaang kasunduan sa pagitan ng Pilipinas at Rusya sa larangan ng defense cooperation, mutual legal assistance at extradition.
Winika ni Natividad, ang kasunduan sa teknikong kooperasyon ng militar sa pagitan ng Rusya at Pilipinas ay posibleng maging daan upang bumili ng armas ang Pilipinas sa Rusya.
Nakatakdang magtungo din si Duterte sa Saint Petersburg upang bisitahin ang pagawaan ng mga bapor ng militar at dumalo sa negosyong pagtititpon para imbitahan ang mga Rusyanong mamumuhunan na magnegosyo sa Pilipinas.
Magkakaroon din ng pakikipagkita si Pangulong Duterte sa Komunidad ng mga Filipino sa Moscow sa May 25.